កណ្ដាល៖ នាយករដ្ឋមន្ត្រីកម្ពុជាសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញទៅបោះឆ្នោតនៅសាលាគរុកោសល្យ និងវិក្រឹតការខេត្តកណ្ដាល នៅព្រឹកថ្ងៃអាទិត្យ ទី៥ ខែមិថុនានេះ។
សម្ដេចនិងសម្ដេចកិត្តិព្រឹទ្ធបណ្ឌិតបានទៅដល់មណ្ឌលបោះឆ្នោតនៅម៉ោងប៉ុន្មាន ៧ព្រឹក ថ្ងៃអាទិត្យនេះ។
សម្ដេចតេជោពុំមានការថ្លែងសារណាមួយនោះទេបន្ទាប់ពីបោះឆ្នោត។
ការបោះឆ្នោតជ្រើសរើសសមាជិកក្រុមប្រឹក្សាឃុំ/សង្កាត់អាណត្តទី៥ បានធ្វើឡើងនៅថ្ងៃទី៥ ខែមិថុនានេះ ដោយមានគណបក្សនយោបាយចំនួន ១៧ចូលរួម ដែលនឹងដណ្តើមយកកៅអីក្នុងតំណែងជាសមាជិកក្រុមប្រឹក្សាឃុំ/សង្កាត់ នៅទូទាំងប្រទេសសរុបចំនួន ១១ ៦២២កៅអី ក្នុងចំណោមឃុំ/សង្កាត់ចំនួន ១ ៦៥២ខណៈប្រជាពលរដ្ឋមានឈ្មោះក្នុងបញ្ជីបោះឆ្នោតប្រមាណជាង ៩លាន ២សែននាក់៕
PHOTO: KOK KY
